اسلام آباد(نیوز ڈیسک) بالی ووڈ ماڈل و اداکارہ عرشی خان جو کہ حالیہ بگ باس 14 میں شریک ہوئی تھیں، انھوں نے اس ہفتے کے آغاز میں انکشاف کیا کہ ممبئی میں گھر خریدنے کے انکے خواب کو تعبیر مل گئی ہے۔عرشی خان نے مزید کہا کہ رقم کا انتظام کرنے میں بہت طویل وقت لگا لیکن وہ مالی طور پر محفوط اور مستحکم ہوگئی ہیں۔ایک انٹرویو کے دوران انھوں نے بگ باس کے ہوسٹ سلمان خان کا مسلسل مدد کرنے پر شکریہ ادا کیا اور کہا کہ اس شو میں شریک ہونے کی وجہ سے وہ اس قابل ہوئیں کہ ممبئی میں گھر کی مالکا بن گئیں۔انکا کہنا تھا کہ وہ مالی طور پر مضبوط نہ ہونے کی وجہ سے پریشان تھیں جبکہ کوئی کام بھی نہیں تھا اور میں اس دباؤ میں تھی کہ اتنی بڑی رقم کا انتظام کیسے کروں گی۔لیکن خوش قسمتی سے مجھے موویز ملیں اور پھر او ٹی ٹی شوز، بگ باس 14 سے کافی مدد ملی، اس طرح میرے خوابوں کی تعبیر پوری ہوگئی۔میں اس حوالے سے سلمان صاحب کی خصوصی طور پر شکر گزار ہوں، انھوں نے تمام وقت میری بہت مدد کی۔