ریاض(نیشنل ٹائمز)سعودی عرب میں کورونا وائرس کی نئی قسم ڈیلٹا کے متعدد کیسز ریکارڈ پر آنے کے بعد ویکسین کی تیسری خوراک لگانے کی منظوری دیدی گئی ہے۔ سعودی ماہر ڈاکٹرالشہری نے کہا کہ بالآخر ہمیں تیسری خوراک کی ضرورت پڑے گی۔وائرس کی بدلتی ہوئی قسموں کا ہمیں پوری طرح علم نہیں ہے- اس کا بھی امکان ہے کہ ہمیں چوتھی اور پانچویں خوراک بھی لگوانی پڑ جائے- انہوں نے انکشاف کیا کہ معمر افراد، خطرناک بیماریوں میں مبتلا افراد اور کینسر کے مریضوں کو تیسری خوراک لگوانا ہوگی- اسی طرح متعدی امراض کے ایک اور ماہر ڈاکٹر طاہر الازرقی کا کہنا تھا کہ ویکسین لگوانے کے چھ ماہ بعد مدافعتی نظام اور اینٹی باڈیز انسانی جسم میں کمزور پڑنے لگتی ہیں- ایسی صورت میں وائرس حملہ آور ہوسکتا ہے۔