کابل(نیشنل ٹائمز) افغانستان کے صدر اشرف غنی نے الزام عائد کیا ہے کہ امریکہ نے جلد بازی میں انخلا کا فیصلہ کیا جس کی وجہ سے موجودہ صورتحال کا سامنا ہے۔افغانستان کے مؤقر نشریاتی ادارے طلوع نیوز کے مطابق پارلیمنٹ کے جوائنٹ سیشن سے خطاب کرتے ہوئے افغان صدر اشرف غنی نے ملک میں طالبان کے بڑھتے ہوئے کنٹرول کی ذمہ داری امریکہ پر عائد کردی۔ انہوں نے کہا کہ جلد بازی میں کیے جانے والے انخلا کے باعث ملک کی سلامتی بدترین صورتحال سے دوچار ہے۔افغان صدر نے اپنے خطاب میں واضح طور پر خبردار کیا کہ جلد بازی میں افغانستان سے کیے جانے والے انخلا کے سنگین نتائج برآمد ہوں گے۔