کراچی(آئی این پی) سندھ حکومت کے ترجمان مرتضیٰ وہاب نے کہا ہے کہ ویکسین لگانیوالوں کی تعدادمیں تیزی سیاضافہ ہورہا ہے ، جس سے ثابت ہوتا ہے ، لوگوں کیلئے موبائل فون سم کتنی اہم ہے۔تفصیلات کے مطابق سندھ حکومت کے ترجمان مرتضیٰ وہاب جمعہ کو جاری بیان میں کہا ہے کہ چنددنوں میں ویکسین لگانیوالوں کی تعدادمیں تیزی سیاضافہ ہوا، اضافہ یہ دکھاتا ہے کہ لوگوں کیلئیموبائل فون سم کتنی اہم ہے، لوگوں سیگزارش ہیباقاعدگی سیماسک بھی پہنیں۔واضح رہے کہ سندھ حکومت کی جانب سے سم بند کرنے کے اعلان کے بعد ایکسپو سینٹر کراچی ویکسین لگوانے والوں کی لمبی قطاریں لگ گئیں۔محکمہ صحت سندھ سے حاصل کردہ اعداد وشمار میں بتایا گیا کہ گزشتہ 24 گھنٹوں کے دوران سب سے زیادہ ویکسین ضلع شرقی میں لگائی گئی جس کی تعداد 21 ہزار 766 ہے۔اعداد وشمار کے مطابق ضلع وسطی میں 10 ہزار سے زائد، ضلع کورنگی میں 8 ہزار سے زائد، ضلع ملیر میں 8 ہزار سے زائد، ضلع جنوبی میں 20 ہزار سے زائد جبکہ ضلع غربی میں 8 ہزار سے زائد افرادکو ویکسین لگائی گئی۔گزشتہ 24 گھنٹوں کے دوران کراچی میں مجموعی طور پر 77 ہزار 715 افراد نے ویکسین لگوائی جبکہ سندھ کے دیگر اضلاع میں 1 لاکھ 11ہزار 260افراد نے ویکسین لگوائی۔