اسلام آباد(نیشنل ٹائمز)عیدالاضحیٰ پر چھٹیوں کے حوالے سے مختلف چہ مگوئیاں کی جارہی ہیں، اس حوالے سے حکومت نے اعلان کردیا،حکومت نے 3 سرکاری حھٹیوں کا اعلان کیا، 22،21،20 کو چھٹیاں ہوں گی جس کی باقاعدہ منظوری دے دی گئی ہے۔تفصیلات کے مطابق حکومت نے عیدالاضحٰی کی تین سرکاری چھٹیاں دینے کا اصولی فیصلہ کیا، وزیراعظم آفس ذرائع کے مطابق 20، 21 اور 22 جولائی کو عیدالاضحٰی کی سرکاری تعطیلات ہوں گی،ملازمین کو عید کے تیسرے روز دفتر آنا ہوگا،وزیراعظم نے عید کی چھٹیوں کی منظوری دی، عید کے تیسرے روز تمام سرکاری دفاتر کھلے ہوں گے۔واضح رہے کہ قبل ازیں عیدالاضحی پر ایک نہیں دو نہیں بلکہ پوری 9 چھٹیا ں ہونے کی توقع کی جارہی تھی، جس کے مطابق بڑے شہروں سے باہر تعینات سرکاری ملازمین 17 جولائی بروزہفتہ سے اپنے آبائی علاقوں کو روانہ ہوجائیں گے 18 جولائی کو اتوار کی چھٹی، 20 جولائی کو حج کی چھٹی، 21, 22 اور23 کو عید کی چھٹیاں ہونےکا امکان تھا،اسی طرح 24 اور25 جولائی کو ہفتہ اور اتوار کی چھٹیاں ہو ں گی۔ذرائع ابلاغ کے مطابق تعطیلات سے زیادہ لطف اندوز وہ سرکاری ملازم ہوں گے جن کے آبائی علاقے ان کی تعیناتی کی جگہ سے دور ہیں وہ اپنی فیملی کے ساتھ مکمل ایک ہفتہ گزاریں گے۔