شی جیا ژوانگ (نیشنل ٹائمز)چین کی کھیلوں میں استعمال ہونے والی معروف گاڑی (ایس یو وی)اور پک اپ بنانے والی کمپنی گریٹ وال موٹر (جی ڈبلیو ایم)نے جون میں گزشتہ سال کے مقابلے میں آٹو گاڑیوں کی فروخت میں 22.71 فیصد اضافہ رپورٹ کیا ہے ۔اس کمپنی نے شنگھائی اسٹاک ایکسچینج میں اندراج کرتے ہوئے کہا کہ انہوں نے گزشتہ ماہ مجموعی طور پر 1لاکھ 664 گاڑیاں فروخت کیں ، جو کہ گزشتہ سال جون کی نسبت 82 ہزار 36 گاڑیوں سے ز ائد تھیں۔گاڑیاں تیار کرنے والی کمپنی نے کہا ہے کہ سال 2021 کے پہلے نصف عرصہ کے دوران گاڑیوں کی فروخت 6لاکھ 18ہزار211یونٹس رہی جو گزشتہ سال کے لحاظ سے 56.47 فیصد اضافہ ہے۔ اس کی بیرون ملک فروخت جنوری تا جون کے عرصہ کے دوران تین گنا بڑھ کر 61ہزار672یونٹس ہوگئی۔چین کے شمالی صوبہ ہیبے کے باڈنگ میں واقع کمپنی گریٹ وال موٹر کھیلوں میں استعمال ہونے والی متعدد گاڑیوں اور کار برانڈز کی مالک ہے ، جس میں ایچ اے وی اے ایل ، جی ڈبلیو ایم پک اپ ، ڈ بلیو ای وائے اور او آر اے شامل ہیں۔