لاہور(نیشنل ٹائمز )پاکستان کی معروف اداکارہ ماہ نور بلوچ کی اداکار فیصل قریشی اور ادکاراعجاز اسلم کے ساتھ ویڈیو سوشل میڈیا پر وائرل ہوگئی جس کے بعد کہا جارہا ہے کہ اداکارہ کی شوبز میں واپسی متوقع ہے،ماہ نور بلوچ جلدنجی ٹی وی چینل پر جلوہ گر ہوں گی۔ مائیکرو بلاگنگ سائٹ ٹویٹر پراداکار اعجاز اسلم نے ایک مختصر بوم رینگ ویڈیو شیئر کی جس میں اداکار کے ساتھ ماہ نور بلوچ اور فیصل قریشی بھی ہمراہ ہیں۔ویڈیو میں ماہ نور بلوچ کے ہاتھ میں جوس کا گلاس ہے جس سے وہ لطف اندوز ہورہے ہیں جبکہ اعجاز اسلم اور فیصل قریشی اداکارہ کے ساتھ موجود ہیں۔ اعجاز اسلم نے ویڈیو کو ایک مزاحیہ کیپشن دیتے ہوئے لکھا کہ آدمیوں کے ماہ نور بلوچ کے ساتھ اصلی والی ماہ نور بلوچ۔ اداکار نے اپنے ٹوئٹ میں ایک نجی ٹی وی چینل کو بھی ٹیگ کیا جس کے بعد واضح ہورہا ہے کہ ماہ نور بلوچ بہت جلد فیصل قریشی اور اعجاز اسلم کے ہمراہ ایک نجی ٹی وی چینل پر جلوہ گِر ہوں گی ۔