لاہور(نیشنل ٹائمز) آزاد کشمیر میں انتخابات کے حوالے سے مسلم لیگ ن کی نائب صدر مریم نواز کے جلسوں کا شیڈول طے ہوگیا ، مریم نواز 8 سے 19 جولائی تک جلسوں سے خطاب کریں گے۔ تفصیلات کے مطابق آزاد کشمیر الیکشن کی مہم کیلئے مسلم لیگ ن کی نائب صدر مریم نوازکے جلسوں کا شیڈول طے کرلیا گیا ہے ، مریم نواز 8 سے 19 جولائی تک آزاد کشمیر کا دورہ کریں گی۔ دورے کے دوران مریم نواز 8 جولائی کومظفرآباد ،9 اور 10 جولائی کو نیلم ، 11 جولائی کوہٹیاں، 13جولائی کوکوٹلی میں جلسوں سیخطاب کریں گی جبکہ 14 جولائی کوہجیرہ اور راولاکوٹ میں عوامی اجتماعات سیخطاب کریں گی۔ شیڈول کے مطابق مریم نواز کے 18 جولائی کو باغ، 19 جولائی کو حویلی ، 15 جولائی کو بلوچ اورپلندری، 17 جولائی کو بھمبر اور میرپور میں جلسے ہوں گے۔