اسلام آباد(نیشنل ٹائمز)پیپلزپارٹی کے رہنما نبیل گبول نے کہا ہے کہ شہبازشریف بدھ کو (آج) اسمبلی نہیں آئے تو ن لیگ اور پی پی کی کھلی جنگ ہو گی اگر کھلی جنگ ہوئی تو پھر باپ کو بھی باپ بنانا پڑا تو بنائیں گے،منگل کو نجی ٹی وی پروگرام میں گفتگو کرتے ہوئے نبیل گبول نے کہا کہ بجٹ اجلاس میں اپوزیشن لیڈر نہ ہوایساکبھی نہیں ہوا نوٹس کی بات کرناکوئی عذر نہیں، حکومت کیساتھ ساتھ اپوزیشن سے بھی عوام ناراض ہیں اپوزیشن لیڈراس لیے نہیں آئیں گے کہ مجھے گرفتار کر لیا جائے گا،نبیل گبول نے کہا کہ ایک بھائی لندن میں بیٹھاہے کہتاہے بیمارہوں پاکستان نہیں آئوں گا دوسرابھائی پاکستان میں موجود ہے اوراسمبلی نہیں آتا ایسارہاتوعوام حکومت کیساتھ اپوزیشن کوبھی جوتے مارے گی شہبازشریف اسمبلی نہیں آئے تو پھرکچھ بھی ہوسکتاہے۔
شہباز شریف اسمبلی نہ آئے تو کھلی جنگ ہو گی ، نبیل گبول
