کراچی(نیشنل ٹائمز)وزیراعظم عمران خان کے معاون خصوصی برائے توانائی و پیٹرولیم تابش گوہر نے کہا ہے کہ ایک کمپنی کوڈھائی کروڑ آبادی کا شہر دینا خطرناک ہے اور کے الیکٹرک کی اجارہ داری کو ختم کریں گے، منگل کوفیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی)میں خطاب کرتے ہوئے تابش گوہر نے کہاکہ میں اس بات کے خلاف ہوں کہ کراچی کی چابی ایک کمپنی کے پاس ہو اور ایک کمپنی کوڈھائی کروڑ آبادی کا شہر دینا خطرناک ہے کے الیکٹرک کی اجارہ داری ختم کریں گے،تابش گوہر نے کہا کہ اگلے سال تک موبائل فون کی طرح صارف کو کمپنی بدلنے کا اختیار ہوگا، اگرکسی بجلی کمپنی سے بجلی نہیں خریدنا تو دوسری کمپنی سے خریدی جاسکے گی، گیس کی بندش عارضی ہے، اینگرو ٹرمینل کے جہاز کی مرمت ضروری تھی، بھرپور کوشش کی کہ مرمت کا کام موخر ہوجائے جبکہ اگلے دو دن ایل این جی کی سپلائی صفرہوگی،انہوں نے کہا کہ اگر سندھ کے حصے کی گیس سوئی نادرن کو غلطی سے گئی ہے تو اس کو چیک کروں گا،تابش گوہر کا کہنا تھاکہ نیب کا خوف معاملات چلانے کے دوران موجود ہے، نیب نے قطر ڈیل اور سی پیک منصوبوں تک میں نینوٹس لیے ہیں۔