اسلام آباد(نیشنل ٹائمز)ترجمان دفتر خارجہ کے مطابق متحدہ عرب امارات (یو اے ای)کے حکام سے پاکستان سے پروازوں پر پابندی اٹھانے کے معاملے پر بات چیت جاری ہے،ترجمان دفتر خارجہ زاہد حفیظ چوہدری نے نجی ٹی وی سے بات کرتے ہوئے کہا کہ دنیا کے کئی دیگر ممالک کے مقابلے میں پاکستان میں کورونا وبا کی صورت حال بہتر ہو چکی ہے، امید ہے یو اے ای حکومت جلد پاکستان کے حوالے سے اپنی ٹریول ایڈوائزری ختم کردے گی، ترجمان کا کہنا تھا کہ وزیر خارجہ شاہ محمود قریشی نے حال ہی میں اپنے اماراتی ہم منصب شیخ عبداللہ بن زید سے رابطوں کے دوران اس معاملے پر بات کی ہے۔