اسلام آباد(نیشنل ٹائمز)قومی اسمبلی کا بجٹ اجلاس ایک روز وقفے کے بعد(آج)پیر کو دوبارہ ہو گا، فنانس بل 2021-22 (کل)منگل کو منظور کیا جائیگا جبکہ بدھ کو مالی سال2020-21کے مطالبات زر پربحث اور منظوری لی جائیگا،قومی اسمبلی کے اہم اجلاس میں اپوزیشن کے گرفتار ارکان سید خورشید شاہ اورعلی وزیر کے پروڈکشن آرڈر جاری کر دئیے گئے ہیں جسکے بعد وہ بھی اہم اجلاس میں شرکت کریں گے۔تفصیلات کے مطابق قومی اسمبلی کا اجلاس سپیکر اسد قیصر کی زیر صدارت (آج)پیر کو 12بجے پارلیمنٹ ہائوس میں ہو گا،بجٹ اجلاس میں مطالبات زر کی منظوری کا عمل جاری ہے جسکے بعد سینیٹ سفارشات پر بحث ہو گی۔ قومی اسمبلی میں فنانس بل 2021-22 (کل)منگل کو منظور کیا جائیگا جبکہ بدھ کو مالی سال2020-21کے مطالبات زر پر بحث اور منظوری لی جائیگا۔دوسری جانب سپیکر اسد قیصر نے زیر حراست ممبران قومی اسمبلی کے پروڈکشن آرڈر جاری کر دئیے ہیں،قومی اسمبلی سیکرٹیریٹ نے ممبران قومی اسمبلی سید خورشید احمد شاہ اور علی وزیر کے پروڈکشن آرڈر جاری کئے۔ دونوں زیر حراست ممبران (آج)بروز پیرسے قومی اسمبلی کے اجلاس میں شرکت کریں گے۔پروڈکشن آرڈر اسپیکر قومی اسمبلی نے اسمبلی قواعد و ضوابط کے تحت تفویص آختیارات کے تحت جاری کیے۔