بیجنگ (نیشنل ٹائمز) چین کی قومی آف شور آئل کارپوریشن (سی این او او سی)کے مطابق چین کی پہلی خود مختار آپریشن کی حامل 1ہزار500 میٹر گہرے پانی کی گیس فیلڈ ڈیپ سی نمبر1 نے جمعہ سے پیداوار شروع کردی ہے۔چین کی قومی آف شور آئل کارپوریشن نے کہا کہ صوبیہائی نان کے سانیا شہر سے 150 کلومیٹر دور سمندر میں گیس فیلڈ کا آپریشن اس سے قبل 300 میٹر کی گہرائی کے مقابلے میں انتہائی گہرے پانیوں میں آئل اینڈ گیس کی ڈرلنگ کے حوالے سے ملک کی صلاحیت کا اظہار ہے۔چین کی قومی آف شور آئل کارپوریشن کا کہنا ہے کہ 2014 میں دریافت ہونے والی گیس فیلڈ میں پیداوار قومی توانائی کے تحفظ کو یقینی بنانے، ملکی توانائی کے ڈھانچے کی بہتری اور علاقائی معاشی ترقی کو فروغ دینے کے لئے انتہائی اہمیت کی حامل ہے۔