اسلام آباد(نیشنل ٹائمز)گزشتہ 24 گھنٹوں کے دوران ملک بھر میں کورونا وائرس سے 36 اموات ہوئیں جن میں سے 18 اموات وینٹی لیٹرز پر موجود مریضوں کی تھیں۔نیشنل کمانڈ اینڈ ا?پریشن سینٹر کی طرف سے جاری اعدادو شمار کے مطابق گزشتہ 24 گھنٹوں کے دوران ملک بھر میں 935 افراد کے کووڈ۔ 19 ٹیسٹ مثبت آئے۔ملک کے 4 بڑے شہروں میں وینٹی لیٹرز پر کووڈ۔ 19 کے مریضوں کے تناسب کے لحاظ سے ملتان میں 26 فیصد،لاہور میں 20 فیصد,بہاولپور میں 24 فیصد اور اسلام آباد میں 22 فیصد مریض ہیں۔اسی طرح سے ملک کے چار بڑے شہروں میں آکسیجن کی سہولیات والے بستروں پر کورونا کے مثبت کیسز کے تناسب کے لحاظ سے کراچی میں 24 فیصد،مظفر آباد میں 19 فیصد،راولپنڈی میں 17 فیصد اور گلگت میں 36 فیصد مریض ہیں۔گزشتہ 24 گھنٹوں کے دوران کووڈ۔19 کے 46 ہزار 842 ٹیسٹ کیے گئے جن میں سے سندھ میں 13 ہزار 348، پنجاب میں 18 ہزار 542، خیبرپختونخوا میں 10 ہزار 102،اسلام آباد میں 2 ہزار 923، بلوچستان میں 749،گلگت بلتستان میں 469، آزاد کشمیر میں 709 ٹیسٹ شامل ہیں۔ اب تک ملک بھر میں کووڈ۔19 سے صحتیاب ہونے والوں کی تعداد 8 لاکھ 98 ہزار 944 ہو چکی ہے۔ بلوچستان اور گلگت بلتستان میں کووڈ۔19 کا کوئی بھی مریض اس وقت وینٹی لیٹر پر نہیں ہے جبکہ ملک بھر میں کووڈ۔19 کے لیے مختص وینٹی لیٹرز پر 269 مریض ہیں۔ ملک بھر میں کووڈ۔19 کے ایکٹو کیسز کی تعداد 32 ہزار 710 ہے۔ ملک بھر میں کورونا وائرس سے متاثرہ افراد کی تعداد 9 لاکھ 53 ہزار 842 ہے جن میں سے آزاد کشمیر میں 20 ہزار 173, بلوچستان میں 26 ہزار 932، گلگت بلتستان میں 5 ہزار 950, اسلام آباد میں 82 ہزار 528، خیبر پختونخوا میں 1 لاکھ 37 ہزار 560، پنجاب میں 3 لاکھ 45 ہزار 655 اور سندھ میں 3 لاکھ 35 ہزار 44 مریض ہیں۔ ملک بھر میں کووڈ۔19 سے جاں بحق ہونے والوں کی تعداد 22 ہزار 188 ہے جن میں سے سندھ میں 5 ہزار 407 اموات جبکہ گزشتہ 24 گھنٹوں کے دوران 14 مریض ہسپتالوں میں جبکہ 1 مریض گھر میں قرنطینہ کے دوران اس وائرس سے جاں بحق ہوا۔ پنجاب میں 10 ہزار 713 اموات جبکہ اسی دوران 10 مریض ہسپتالوں میں جبکہ 3 مریض گھروں میں قرنطینہ کے دوران اس وائرس سے جاں بحق ہوئے،خیبر پختونخوا میں 4 ہزار 298 جبکہ گزشتہ 24 گھنٹوں کے دوران 4 مریض ہسپتالوں میں اس وائرس سے جاں بحق ہوئے،اسلام آباد میں کل 776 اموات جبکہ اسی دوران ایک مریض ہسپتال میں اس وائرس سے جاں بحق ہوا،بلوچستان میں کل 305 اموات جبکہ ایک مریض ہسپتال میں اس وائرس سے جاں بحق ہوا، گلگت بلتستان میں 111 اموات، آزاد کشمیر میں اس وائرس سے 578 اموات جبکہ 2 مریض ہسپتالوں میں اس وائرس سے جاں بحق ہوئے۔اب تک ملک بھر میں کووڈ۔19 کے 1 کروڑ 43 لاکھ 71 ہزار 850 ٹیسٹ کیے جا چکے ہیں۔ملک بھر میں کووڈ۔19 کے علاج کیلئے مختص 639 ہسپتالوں میں 2 ہزار 231 مریض زیر علاج ہیں۔