کراچی(نیشنل ٹائمز)وزیراعظم پاکستان نے پولیس سروس کے گریڈ 21 کے افسر اور ایڈیشنل آئی جی سندھ پولیس حیدرآباد رینج ڈاکٹر جمیل احمد کے خلاف سروس رولز کے تحت کاروائی کرنے کے لئے اسٹیبلشمنٹ ڈویژن کو خط لکھ دیا ہے۔خط کے مندرجات کے مطابق ایڈیشنل آئی جی ڈاکٹر جمیل مبینہ طور پر اپنے اختیارات کا ناجائز استعمال کر کے لاکھوں روپوں کی رشوت لیتے ہیں۔خط کے مطابق وزیراعظم کے پاس پہنچنے والی معلومات کے مطابق بطور ایڈیشنل آئی جی حیدرآباد ڈاکٹر جمیل کے پاس 15 اضلاع کا چارج ہے اور وہ وہ ہر ضلع سے 15 سے 20 لاکھ ماہانہ وصول کرتے ہیں۔وزیراعظم کے اسٹیبلشمنٹ ڈویژن کو لکھے گئے خط کے مطابق ڈاکٹر جمیل نے سرکٹ ھائوس حیدر آباد میں تین کمروں پر غیر قانونی طور پر قبضہ کیا ہوا ہے۔خط کے مندرجات کے مطابق ایڈیشنل آئی جی ڈاکٹر جمیل کے دو صاحبزادے اپنے والد کی سرکاری پوزیشن کا ناجائز فائدہ اٹھاکر بہت سے غلط کاموں میں ملوث رہتے ہیں۔وزیر اعظم نے اسٹیبلشمنٹ ڈویژن کو ہدایت کی ہے کہ سول سرونٹس رولز ای اینڈ ڈی کے سیکشن 18 (2) تحت ایڈیشنل آئی جی ڈاکٹر جمیل کے خلاف کارروائی کی جائے۔