کراچی(نیشنل ٹائمز ) مقامی عدالت نے ملیر میں تجاوزات آپریشن کیخلاف ایم نائن موٹروے بلاک کرنے اور کارسرکارمیں مداخلت کے مقدمے میں آئندہ سماعت پر گواہ کو ہر صورت پیش کرنے کی ہدایت کردی۔ تفصیلات کے مطابق کراچی ملیر کورٹ میں عدالت کے روبرو ملیر میں تجاوزات آپریشن کے خلاف ایم نائن موٹروے بلاک کرنے اور کارسرکارمیں مداخلت کے مقدمے کی سماعت ہوئی۔ حلیم عادل شیخ اور دیگر ملزمان عدالت میں پیش ہوئے۔ عدالت کے روبرو مقدمے کا گواہ پیش نہیں ہوسکا۔ عدالت نے آئندہ سماعت پر گواہ کو ہر صورت پیش کرنے کی ہدایت کرتے ہوئے سماعت 10 جولائی تک کے لئیے ملتوی کردی۔ عدالت نے حلیم عادل شیخ کی حاضری سے استثنی کی درخواست منظور کرلی۔