کراچی(نیشنل ٹائمز ) پشتون تحفظ موومنٹ (پی ٹی ایم) کے رہنما علی وزیر نے ملک مخالف سرگرمیوں اور دہشگردی کے مقدمہ میں ضمانت کیلئے سپریم کورٹ میں درخواست دائر کردی۔ دائر درخواست میں علی وزیر نے موقف اپنایا کہ کئی ماہ سے جیل میں ہوں ضمانت پر رہا کرنے کا حکم دیا جائے۔ سندھ ہائیکورٹ اور انسداد دہشتگردی کی خصوصی عدالت نے علی وزیر کی درخواست ضمانت مسترد کردی تھی۔ علی وزیر کیخلاف تھانہ سہراب گوٹھ میں مقدمہ درج ہے۔