ڈھاکہ(شِنہوا)چینی حکومت کی جانب سے عطیہ کردہ سائنوفارم نوول کروناوائرس ویکسینز کی دوسری کھیپ بنگلہ دیش پہنچ گئی ہے۔بنگلہ دیش کی وزارت دفاع کے تحت محکمہ تعلقات عامہ (آئی ایس پی آر)نے ایک بیان میں کہا ہے کہ بنگلہ دیشی فضائیہ(بی اے ایف) کے ویکسینز منتقل کرنے والے 2ہوائی جہاز بیجنگ سے اتوار کی شام مقامی وقت کے مطابق تقریبا 5بج کر 30منٹ پر بنگلہ دیش کے دارالحکومت ڈھاکہ پہنچے۔ پہلی خوراک کے بعد ترسیل میں بحران آنے پر ڈھاکہ کی جانب سے آکسفورڈ-آسٹرازینکا ویکسین کو معطل کرنے کے بعد بنگلہ دیش میں دوا سازی کے منتظم ادارے نے اپریل میں سائنوفارم نوول کروناوائرس ویکسین کی ایشیائی ملک میں ہنگامی استعمال کی منظوری دی تھی۔دوسری کھیپ کا عطیہ چین کے ریاستی کونسلر ووزیرخارجہ وانگ یی کی بنگلہ دیش کے وزیرخارجہ اے کے عبدالمومن کے ساتھ21مئی کو فون پر بات چیت کے بعد دیا گیا۔چین کی جانب سے عطیہ کردہ ویکسینز کی پہلی کھیپ 12مئی کو بنگلہ دیش پہنچی تھی۔