کراچی (آئی این پی) پاکستانی نژاد امریکی تاجر علی شیخانی نے کے الیکٹرک خریدنے کا اعلان کردیا ۔ سوشل میڈیا پر شیخانی گروپ کے سربراہ علی شیخانی نے اپنے تصدیق شدہ اکانٹ انسٹاگرام پر ایک ویڈیو پیغام شیئر کیا ہے۔ علی شیخانی نے کہا کہ گزشتہ 4 سے 5 دنوں میں کراچی کے انٹرنیٹ صارفین مجھے اور میری ٹیم کو مسلسل ٹیگ کر رہے ہیں۔علی شیخانی کا کہنا تھا کہ صارفین کا مطالبہ ہے کہ میں کے الیکٹرک خرید لوں۔ میں نے بات کی ہے کہ کیالیکٹرک فروخت ہو چکی یا نہیں، اگر نہیں بکی تو اسے خریدنے کا کیا طریقہ ہے۔ انہوں نے کہا کہ میں بغیر کسی رشوت کے کے الیکٹرک خریدنے کے لیے تیار ہوں، اپنے کراچی کے عوام کے لیے میں کے الیکٹرک خرید لوں گا۔شیخانی گروپ کے سربراہ نے مزید کہا کہ اگر شیخانی گروپ کے الیکٹرک خرید لیتا ہے تو مجھے پیسہ بنانے کی کوئی ضرورت نہیں ہے۔ میرے پاس اللہ کا دیا ہوا سب کچھ ہے۔ میری کوشش صرف مڈل کلاس فیملیز کو ریلیف دینے کی کوشش ہوگی۔