اسلام آباد(نیشنل ٹائمز)وزیر دفاع خواجہ محمد آصف نے کہا ہے کہ وزیراعظم شہباز شریف نے بانی پی ٹی آئی کو مذاکرات کے لئے سنجیدہ آفر دی ہے، بانی پی ٹی آئی کی جانب سے مثبت جواب آیا تو ان کی رہائی سمیت ہر معاملے پر بات ہو سکتی ہے۔ پارلیمنٹ ہائوس کے باہر میڈیا سے گفتگو کرتے ہوئے وزیر دفاع نے کہا کہ وزیراعظم شہباز شریف نے عمران خان کو ایک مرتبہ پھر مذاکرات کی سنجیدہ آفر دی ہے۔انہوں نے کہا کہ پہلے جب شہباز شریف اپوزیشن لیڈر ت تب بھی انہوں نے عمران خان کو مذاکرات کی دعوت دی تھی جس کے جواب میں غیر سنجیدگی کا مظاہرہ کیاگیا تھا۔ ایک سوال کے جواب میں خواجہ آصف نے کہا کہ اگر مذاکرات کا مثبت جواب آیا تو عمران خان کی رہائی سمیت ہر معاملے پر بات ہو سکتی ہے۔