بارباڈوس(نیشنل ٹائمز ) سابق انگلش کرکٹر و ہیڈکوچ افغانستان کرکٹ ٹیم جوناتھن ٹروٹ نے کہا کہ افغان ٹیم پہلی بار ٹی ٹونئٹی ورلڈ کپ کے سیمی فائنل میں پہنچی ہے تاہم جنوبی افریقہ کی تاریخ سے سب واقف ہیں، وہ اہم مواقعوں پر ٹرافی کے قریب آکر شکست کھا جاتے ہیں۔ اپنے ایک بیان میں انہوں نے کہا افغان ٹیم کبھی کسی ایونٹ کے سیمی فائنل میں نہیں پہنچی اور نہ ہی انکی کوئی تاریخ ہے، یہ کھلاڑی تاریخ رقم کرنا چاہتے ہیں اور اپنا سب کچھ لٹاکر کھیلیں گے ۔ انہوں نے مزید کہا کہ ہمارے مدمقابل ٹیم اہم مواقعوں پر دبا برداشت نہیں کرپاتی جس کا ہمیں علم ہے اور یہی ہمیں جیت دلواسکتا ہے۔واضح رہے جنوبی افریقہ اور افغانستان کی ٹیمیں آج جمعرات کو پہلے سیمی فائنل میں مدمقابل ہونگے۔