اسلام آباد (نیشنل ٹائمز)پاکستان تحریک انصاف کے رہنما شعیب شاہین نے کہا ہے کہ عدت کیس کے علاوہ تمام کیسز میں بانی پی ٹی آئی ضمانت پر ہیں۔ نجی ٹی وی سے گفتگو کرتے ہوئے شعیب شاہین نے کہا کہ سابق چیئرمین تحریک انصاف تمام کیسز میں ضمانت پر ہیں ، ان پر صرف عدت کیس چل رہا ہے یہ کیس ختم ہوتے ہی وہ رہا ہوجائیں گے۔ انہوں نے کہا کہ قانون اور آئین کے مطابق جس کاجو حق ہے وہ ضرور ملنا چاہئے، اس وقت ملک میں سب سے بڑا مسئلہ معاش ہے، گندم سکینڈ ل آیا،نیب کوپتہ چلا نہ کسی تحقیقاتی ایجنسی نے کچھ کیا، کسانوں کے 800ارب روپے ڈوب گئے ، پنجاب کے کسانوں کے پاس نئی فضل کیلئے پیسے نہیں ۔ دبئی لیکس آئی، کیا کسی ایک بندے کو نوٹس ہوا؟۔شعیب شاہین نے کہا کہ الیکشن کے بعد میرے خلاف دہشتگردی کی 7ایف آئی آر درج ہوئی ہیں، ہم نے کہا جو کچھ کرنا ہے پارلیمان میں ان کیمرہ بریفنگ دیں۔