اسلام آباد (نیشنل ٹائمز ) متحدہ قومی موومنٹ(ایم کیو ایم)نے ملک میں معاشی ایمرجنسی لگانے کا مطالبہ کر د تے ہوئے کہا ہے کہ آ ئی پی پیز کے ساتھ کئے گئے معاہدوں پر نظر ثانی کی جائے ، قوم اس وقت 78 ہزار ارب کی مقروض ہے، قرض اور سود کی مد میں 9 ہزار 775 ارب ادا کرنا ہوں گے، ملک کا قرض اتارنے کیلئے نواز شریف اور آصف زرداری پہل کریں، تمام لیڈر ایک ہزار ارب روپے اکٹھا کر کے عوام کو دکھائیں، بانی پی ٹی آئی کے پاس بنی گالا ہے، وہ پاکستان کو عطیہ کر دیں، آصف علی زرداری پاکستان کو ایک بلاول ہاس عطیہ کریں، تمام ایم این ایز، ایم پی ایز، وزرا اور سینیٹرز 25 فیصد جائیداد پاکستان کو عطیہ کر دیں۔مصطفی کمال نے قومی اسمبلی اجلاس سے خطاب کرتے ہوئے انہوں نے کہا کہ وزیر خزانہ اور اپوزیشن لیڈر کی تقریر سنی، بجٹ پیش کرنے والے ہمیشہ اس کی تعریف کرتے ہیں، اپوزیشن میں موجود لوگ ہمیشہ بجٹ کی مخالفت ہی کرتے ہیں۔ ان کا کہنا تھا کہ ایوان میں موجود افراد بار بار اِدھر اور ادھر بیٹھ چکے ہیں، ہمارے اس رویے سے ملک کا کوئی فائدہ ہوا نہیں ہے، پاکستان پر 78 ہزار 942 ارب کا قرضہ ہے۔ مصطفی کمال نے ملک کے گھبیر معاشی حالات کی منظر کشی کرتے ہوئے معاشی ایمرجنسی نافذ کرنے کا مطالبہ کیا اور کہا کہ اس کی ابتدا اس ہاس سے ہونی چاہیے۔ ایم کیو ایم رہنما نے کہا کہ ایمرجنسی کا اعلان کرنے کے بعد یہ جو ہم 78 ہزار ارب لوگوں سے مانگنے جا رہے ہیں، اس سے پہلے ملک کا قرض اتارنے کے لیے پاکستان کے رہنما نواز شریف، عمران خان اور آصف زراری، مولانا فضل الرحمن صاحب سیت تمام اراکین پارلیمنٹ اپنی جیبوں سے جمع کرائیں۔ انہوں نے کہا کہ نواز شریف کے پاس رائیونڈ کا محل ہے، عمران خان کے پاس بنی گالا ہے، زرداری صاحب کے پاس تمام شہروں میں بلاول ہاسز ہیں تو سارے ایک ایک گھر پاکستان کو عطیہ کردیں، نواز شریف رائیونڈ والا گھر دے دیں، عمران خان بنی گالا دے دیں، زرداری صاحب ایک بلاول ہاس دے دیں اور ہم دیگر اراکین پارلیمنٹ اپنی 25 فیصد جائیدادیں پاکستان کے لیے عطیہ کرتے ہیں۔ مصطفی کمال نے کہا کہ تمام ریٹائرڈ فوجی افسران، تمام حاضر سروس جرنیل جو کہ جن کے پاس جب یہ ریٹائر ہوتے ہیں تو ان کے پاس 150 ارب روپے کی جائیدادیں ہوتی ہیں، 50، 50 کروڑ روپے پاکستان کو عطیہ کریں، یہ سب جرنیل، سیاستدان اور اراکین پارلیمنٹ 1000 ارب روپے قرض کی ادائیگی کے لیے جمع کرکے دکھائیں۔ انہوں نے کہا کہ اگر ہم نے یہ کردیا تو پاکستان کے غیور عوام اپنے کپڑے بیچ پر بھی ملک کا قرض اتاریں گے، وہ سمجھیں گے کہ جو ہم سے ٹیکس مانگ رہے ہیں، وہ بھی کچھ قربان کر رہے ہیں۔