اسلام آباد (نیشنل ٹائمز) ترجمان دفتر خارجہ ممتاز زہرا بلوچ نے کہا ہے کہ چینی وزیر نے پاکستان کے ساتھ 5 راہداریوں کی تیاری کے لئے مل کرکام کرنے کا اظہارکیا ہے، ان راہداریوں کا مقصد سی پیک کے اپ گریڈیڈ ورژن لانا ہے۔ترجمان دفتر خارجہ نے بیان میں کہا کہ چینی وزیرنے پاک چین تعلقات کے مزید فروغ کے لئے سیاسی جماعتوں کے مل کر کام کرنیکی ضرورت پر زور دیا۔ ترجمان نے کہا کہ چینی وزیر نے سی پیک پر وسیع سیاسی اتفاق رائے اور باہمی تعاون کے مزید پلیٹ فارمزکے لئے کام کرنے پر زور دیا۔ترجمان نے کہا کہ چینی وزیر نے چین کی طرف سے سیاسی جماعتوں کے درمیان تبادلے کی خواہش کا اظہار بھی کیا۔
چینی وزیر لیوجیان نے 5 راہداریوں کی تیاری کیلئے ملکرکام کرنیکا اظہار کیا، ترجمان دفترخارجہ
