راولپنڈی(نیشنل ٹائمز) وزیر اعلی خیبر پختونخوا علی امین گنڈاپورکو عمران خان سے ملاقات کی اجازت نہ مل سکی،اڈیالہ جیل میں قید عمران خان سے پارٹی رہنماوں کی ملاقات طے تھی مگر جیل انتظامیہ نے وزیر اعلی کے پی علی امین گنڈاپور کی ملاقات پر اعتراض اٹھا دیا۔ نجی ٹی وی کے مطابق اڈیالہ جیل میں بانی پی ٹی آئی عمران خان سے گزشتہ شام 6پارٹی رہنماوں نے ملاقات کرنی ہے جن میں رئوف حسن، شبلی فراز، رائے حسن نواز، ثنا اللہ مستی خیل،خالد خورشید اور وزیر اعلی کے پی علی امین گنڈاپور کے نام شامل تھے۔ جیل حکام نے علی امین گنڈاپورکی ملاقات پر اعتراض اٹھایاہے اور ملاقاتیوں میں ان کی جگہ کسی اور رہنما کا نام دینے کاکہا ہے۔ علی امین گنڈاپورکوگزشتہ کئی روز سے عمران خان سے ملاقات کی اجازت نہیں ملی۔