اسلام آباد(نیشنل ٹائمز)ایسوسی ایشن آف الیکٹرونک میڈیا ایڈیٹرز اینڈ نیوز ڈائریکٹرز ایمنڈ نے خیبر میں صحافی کے قتل کی مذمت کی ہے۔نجی ٹی وی کے مطابق ایک بیان میں ایمنڈ کا کہنا ہے کہ پاکستان میں تواتر کے ساتھ صحافیوں پر حملوں کا سلسلہ جاری ہے، صحافیوں پر تشدد، اغوا اور دھمکیاں معمول بن چکی ہیں۔بیان میں مزید کہا گیا ہے کہ وفاقی و صوبائی حکومتیں اس قسم کے واقعات کو روکنے میں ناکام نظر آتی ہیں۔ایمنڈ نے خلیل جبران کے قتل میں ملوث افراد کو جلد گرفتار کر کے سزا دینے کا مطالبہ بھی کیا ہے۔