اسلام آ باد (نیشنل ٹائمز) واپڈا نے درگئی ہائیڈل پاور سٹیشن کی بحالی کے لئے کنٹریکٹ ایوارڈ کر دیا،سول اور الیکٹرو مکینیکل کنٹریکٹ کی مالیت 10 ارب 60کروڑ روپے ہے ،کنٹریکٹ دو چینی اور ایک پاکستانی کمپنی پر مشتمل جوائنٹ ونچر کو ایوارڈکیا گیا ،جنرل منیجر (ہائیڈل) ڈویلپمنٹ واپڈا اور جوائنٹ ونچر کے مجاز نمائندے نے کنٹریکٹ پر دستخط کئے۔چیئرمین واپڈا انجینئر لیفٹیننٹ جنرل سجاد غنی (ریٹائر) بھی تقریب میں موجود تھے۔واپڈا نے کہا ہے کہ درگئی ہائیڈل پاور سٹیشن کی بحالی میں واپڈا کو اے ایف ڈی فرانس کی مالی معاونت حاصل ہے، کنٹریکٹ کے مطابق، درگئی ہائیڈل پاور سٹیشن کی بحالی کا کام تین سال میں مکمل ہوگا، بحالی منصوبے کی تکمیل پر درگئی ہائیڈل پاور سٹیشن 22میگاواٹ ماحول دوست پن بجلی پیدا کرے گا، بحالی منصوبے کی تکمیل پرنیشنل گرڈ کو ہر سال 13 کروڑ یونٹ کم لاگت بجلی مہیا ہوگی۔