اسلام آباد (نیشنل ٹائمز) سابق وزیر خزانہ مفتاح اسماعیل نے آئندہ مالی سال بجٹ پر کڑی تنقید کرتے ہوئے کہا کہ حکومت نے وزارتیں ختم کرنے کہا، ختم نہیں کیں، سٹیٹ بینک نے نوٹ چھاپے تومہنگائی بڑھے گی ، بجٹ میں صرف پیوند لگائے گئے ہیں۔نجی ٹی وی سے گفتگو کرتے ہوئے انہوں نے کہا کہ پٹرول لیوی پر20 روپے لگایا گیا ہے، ٹیکس سے تنخواہ دارطبقہ پربوجھ پڑے گا جوٹیکس دے رہا ہے اسی سے ٹیکس لیا جائے گا۔مفتاح اسماعیل نے کہا کہ این ایف سی سے متعلق بات نہیں کی گئی، سیمنٹ، ادویات اوردودھ مہنگا کیا جارہا ہے، ہم پر70ہزارارب رو پے کابیرونی قرض ہے۔انہوں نے کہا کہ ریٹائرمنٹ کے حوالے سے بھی بات نہیں کی گئی، کیاملک کواصلاحات کی ضرورت نہیں ہے؟ آئی ایم ایف نے اصلاحات سے منع نہیں کیا۔