اسلام آباد (نیشنل ٹائمز) پی ٹی آئی رہنما و سنی اتحاد کونسل کی رکن قومی اسمبلی زرتاج گل نے کہا ہے کہ آئی ایم ایف کے حکم پر بننے والے بجٹ کو اپوزیشن مسترد کرتی ہے ہم آئی ایم ایف کے بجٹ، امپورٹڈ وزیر خزانہ کو نہیں مانتے ۔بانی پی ٹی آئی کو رہا کیا جائے ۔ بدھ کو خیبر پختونخوا ہائو س میں بجٹ سے قبل سنی اتحاد کونسل کے اجلاس کے بعد صحافیوں سے گفتگو کر تے ہوئے ا نہوں نے کہا کہ پارلیمنٹ کے اندر اور باہر بھرپور طورپر احتجاج کریں گے ہم ان کے بجٹ کو نہیں مانتے ۔بھرپور احتجاج کرینگے ۔انہوں نے کہا کے پی کے ہائوس میں بھرپور اجلاس ہوا ہے جس میں فیصلہ کیا گیا ہے کہ ہم آئی ایم ایف کے حکم پر بننے والے بجٹ کے موقع پر بھر پور احتجاج ریکارڈ کرائیں گے ے۔پارلیمنٹ چلنے دیں گے نہ حکومت چلنے دیں گے ہم فام 47 کے وزیر خزانہ کو بھی نہیں مانتے ،زرتاج گل نے کہا ہم نے اپوزیشن پارٹی کے طور پر یہ بجٹ مسترد کرتے ہیں ۔ہماری خواتین پر جو ظلم ہو رہا ہے ،یہ فسطائیت میں بجٹ پیش کر رہے ہیں ،انہوں نے کہا کہ یہ ہماری آواز نہیں دبا سکتے، ہماری اسیران کو آٹھ آٹھ گھنٹے بٹھایا جاتا ہے ۔ایک سوال پر زرتاج گل نے کہا ہے کہ محمود خان اچکزئی سٹیک ہولڈر کے ساتھ مذاکرات کریں گے ،بانی پی ٹی آئی کی رہائی ہماری پہلی ترجیح ہے ۔ انہوں نے کہا کہ عوام نے ہمیں عمران خان کی رہائی کے لیے ووٹ دیا ہے ۔اس پر سمجھوتہ نہیں کریں گے ۔محمود خان اچکزئی متعلقہ اتھارٹیز کے ساتھ مذاکرات کریں گے اور عمران خان نے اس کی باضابطہ منظوری دی ہے۔