نیو یارک(نیشنل ٹائمز)قومی ٹیم کے وکٹ کیپر بیٹر محمد رضوان نے کینیڈا کیخلاف نصف سنچری بناکر ایک اور ناپسندیدہ ریکارڈ اپنے نام کرلیا۔نیویارک کے ناسائو کائونٹی انٹرنیشنل کرکٹ اسٹیڈیم میں کھیلے گئے میچ میں قومی ٹیم نے کینیڈا کو شکست دیکر ایونٹ میں پہلی فتح سمیٹی تاہم اس ہاکستان نے کینیڈا جیسی کمزور ٹیم کیخلاف 107رنز کا ہدف 17.3اوورز میں حاصل کیا اور 7وکٹوں سے فتح سمیٹی۔ اس میچ میں محمد رضوان نے 53گیندوں پر 53رنز کی اننگز کھیلی، جس میں 2چوکے اور ایک چھکا شامل تھا۔ٹی20ورلڈکپ 2024میں رضوان ففٹی کرنے والے پہلی پاکستانی بیٹر ہیں جبکہ نسائو کائونٹی انٹرنیشنل کرکٹ اسٹیڈیم میں نصف سنچری بنانے والے تیسرے کرکٹر بنے۔اس ایڈیشن میں سست ترین نصف سنچری کا ریکارڈ محمد رضوان نے اپنے نام کیا جو اس سے قبل جنوبی افریقی بیٹر ڈیوڈ ملر کے پاس تھا، انہوں نے 50گیندں پر نصف سنچری بنائی تھی۔