اسلام آباد (نیشنل ٹائمز)سابق وفاقی وزیر خزانہ مفتاح اسماعیل نے کہا ہے کہ ہم اپنی پارٹی ’’عوام پاکستان ‘‘پارٹی کا اعلان اگلے ماہ کر رہے ہیں،پارٹی کے جھنڈے کا رنگ سبز اور نیلا ہے،طارق بنوری، ظفر مرزا ہماری سمیت دیگر نامور پڑھے لکھے لوگ ہماری پارٹی کا حصہ ہیں،بجٹ لیٹ ہونے پر ہماری پارٹی کی لانچنگ لیٹ ہو گئی،مہنگائی کی شرح میں کمی میں حکومت کا کوئی کردار نہیں ہے، یہ صرف نجی سیکٹر کی وجہ سے ہوا ہے، بجٹ کے بعد مہنگائی میں اضافہ ہو گا،اسٹیٹ بینک کو پچھلے ماہ ہی شرح سود کم کر دینا چاہیے تھا،شرح سود میں کمی سے 30 سے 35ارب روپے ماہانہ بچ سکتے ہیں۔ ایک انٹرویو میں مفتاح اسماعیل نے کہا کہ پاکستان میں ٹیکس جمع کرنا مسئلہ ہے،چاروں صوبوں نے پچھلے سال صرف 8ارب روپیہ پراپرٹی ٹیکس جمع کیا،بھارت کے ممبئی شہر نے صرف 150ارب ٹیکس جمع کیا۔ انہوں نے کہا کہ پاکستان میں پراپرٹی میں سے بہت زیادہ ٹیکس جمع ہو سکتا ہے،زراعت کے شعبہ میں بھی نہ ہونے کے برابر ٹیکس جمع کیا جاتا ہے،این ایف سی ایوارڈ کے تحت صوبوں کو وافر مقدار میں پیسے ملتے ہیں۔ انہوں نے کہا کہ ہم اپنی عوام پاکستان پارٹی کا اعلان اگلے ماہ کر رہے ہیں،پارٹی کا نام’’ عوام پاکستان ‘‘رکھا ہے،پارٹی کے جھنڈے کا رنگ سبز اور نیلا ہے،گرین ہیں نہ خاکی ہم پاکستان کی پارٹی ہیں،بجٹ لیٹ ہونے پر ہماری پارٹی کی لانچنگ لیٹ ہو گئی،(ن) لیگ میں واپسی کے راستے ہمیشہ کیلئے بند کر دیئے ہیں۔ انہوں نے کہا کہ ایمانداری سے الیکشن ہارنا دو نمبری سے جیتنے سے بہت بہتر ہے،پاکستان میں بہت سارے لوگ تین بڑی پارٹیوں سے تنگ آ چکے ہیں۔ انہوں نے کہا کہ مہنگائی کی شرح میں کمی میں حکومت کا کوئی کردار نہیں ہے، یہ صرف نجی سیکٹر کی وجہ سے ہوا ہے، بجٹ کے بعد مہنگائی میں اضافہ ہو گا،اسٹیٹ بینک کو پچھلے ماہ ہی شرح سود کم کر دینا چاہیے تھا،شرح سود میں کمی سے 30 سے 35ارب روپے ماہانہ بچ سکتے ہیں۔ انہوں نے کہا کہ طارق بنوری، ظفر مرزا ہماری سمیت دیگر نامور پڑھے لکھے لوگ ہماری پارٹی کا حصہ ہیں۔