استنبول (نیشنل ٹائمز) نائب وزیراعظم اور وزیر خارجہ اسحاق ڈار نے ترک صدر ارجب طیب ردوان سے ملاقات کی ہے ۔نائب وزیر اعظم اور وزیر خارجہ سینیٹر محمد اسحاق ڈار نے غزہ کی صورتحال پر ڈی 8-وزرائے خارجہ کونسل کے غیر معمولی اجلاس کے اختتام کے بعد ترک صدر رجب طیب اردوان سے ڈی 8- وزرائے خارجہ کی اجتماعی کال میں شمولیت اختیار کی۔صدراردوان کو وزارتی اجلاس کی کارروائی کے بارے میں بریفنگ دی گئی، نائب وزیر اعظم اور وزیر خارجہ نے غزہ پر ڈی 8-وزارتی اجلاس کی میزبانی کے ترکی کے اقدام کو سراہا۔نائب وزیر اعظم اور وزیر خارجہ اسحاق ڈار نے ترک صدر ایردوان کو صدر پاکستان آصف علی زرداری، وزیر اعظم محمد شہباز شریف اور سابق وزیر اعظم محمد نواز شریف کا تہنیتی پیغام پہنچایا۔انہوں نے پاکستان ترکیہ دوطرفہ تعلقات کو بڑھانے کے لیے صدر اردوان کی ذاتی دلچسپی اور قیادت کا شکریہ ادا کیا، نائب وزیر اعظم اور وزیر خارجہ نے صدر اردوان کو ساتویں اعلی سطح کے سٹریٹجک تعاون کونسل کے لئے پاکستان کا دورہ کرنے کی دعوت کا اعادہ کیا۔
وزیرخارجہ اسحاق ڈار کی ترک صدر سے ملاقات
