اسلام آباد (نیشنل ٹائمز) نئی سیاسی جماعت ہم عوام پارٹی کے سربراہ شاہد خاقان عباسی نے کہا ہے کہ انکی آنے والی نئی جماعت آج کے پاکستان کی ضرورت ہے ، نئی پارٹی میں شمولیت کیلئے کئی بڑے سیاستدان رابطے میں ہیں۔ایک انٹرویو میں شاہد خاقان عباسی نے کہا کہ انکی نئی سیاسی جماعت کا منشورخودعوام ہیں، انکے پارٹی نعرے میں عوام بھی پاکستان بھی، یہ صرف اور صرف ہمارا نعرہ ہوگا۔انہوں نے مزید بتایا ہے کہ صرف شفاف باصلاحیت اوراچھی شہرت کے سیاستدان کو جماعت میں لے رہے ہیں، پچھلے دوانتخابات نے ملک کی سیاست کوایک نئی نہج تک میں کھڑا کردیا ہے۔ ایک سوال پر انہوں نے کہا کہ نئی جماعت میں شامل ہونے کیلئے ایک طویل فہرست ہے،ایک اور سوال کے جواب میں انہوں نے کہا چوہدری نثار علی خان، مہتاب عباسی وغیرہ پارٹی میں شامل ہوسکتے ہیں ،بات چیت کئی اچھے سیاستدانوں سے جاری ہے۔شاہد خاقان نے مزید بتایا کہ ملک کی 177 سیاسی جماعتوں نے ملک کو پچھلے 76 سال میں کچھ نہیں دیا ہے،صرف صاف ماضی والے اور اچھی صلاحیت والے افراد اورسیاستدانوں کو پارٹی میں لیں گے۔ انہوں نے مزید کہا ہم عوام پارٹی کا ٹارگٹ مرکزی سیاسی جماعتوں جیسے مسلم لیگ ن، پاکستان پیپلزپارٹی، تحریک انصاف ہونگی، انہوں نے نئی جماعت کا منشوراقتدار کی بندربانٹ اورکرسیوں کی جنگ سے بالاترہے۔انہوں نے کہا کہ تمام بڑی جماعتیں ملک کے مسائل حل کرنے میں مکمل ناکام ہیں اور انکی جماعت ہم عوام پارٹی کو کسی قوت کی آشیربا دحاصل نہیں، آئینی عہدوں کی بندربانٹ سے دورہوکرکام کرینگے، ایک اور سوال کے جواب میں شاہد خاقان عباسی نے بتایا کہ نئی جماعت اگلے چندہفتوں میں مکمل فعال ہوجائے گی اور نئی پارٹی میری ذاتی پارٹی نہیں ایک سوچ پر قائم کررہے ہیں۔ انہوں نے کہا ہم اقتدار کو چھوڑ کر نئی پارٹی بنارہے ہیں، بڑی اقتدار میں رہنے والی پارٹیوں کو چھوڑا ہے، گزشتہ چند سال میں نئی بننے والی جماعتوں نے ملک کو کوئی فائدہ نہیں دیا۔