پشاور(نیشنل ٹائمز ) پیپلز پارٹی پشاور سٹی کے رہنماوں نے وزیر اعلیٰ خیبر پختونخو اعلی امین کو گورنر خیبر پختونخوا فیصل کریم کنڈی سے معافی مانگنے کے لئے دس دن کا وقت دیتے ہوئے اعلان کیا ہے کہ اگر عید تک انہوں نے معافی نہیں مانگی توپیپلز پارٹی کے کارکن ان کا گھیرائو کرینگے، پشاور پریس کلب میں پریس کانفرنس سے خطاب کرتے ہوئے پی پی پی پشاور سٹی کے صدر ذوالفقار افغانی نے کہا کہ علی امین گنڈاپور اپنے لیڈر عمران خان کی زبان بول رہے ہیں ، عمران خان نے پاکستانی سیاست سے شرافت کا جنازہ نکال دیا ہے،اپنے دور وزارت عظمیٰ میں عمران خان خان نے بدتمیزی اور بیہودہ گوئی کو پروان چڑھایا ، علی امین گنڈاپور وزیر اعلیٰ ہاوس میں بیٹھ کر بھی گورنر کے بارے میں غیر شائستہ زبان استعمال کر رہا ہے، انہوں نے کہا کہ علی امین کان کھول کے سن لے، خیبر پختونخوا کا گورنر ہاوس ان کے باپ کی جاگیر نہیں ، ذوالفقار افغانی نے کہا کہ فیصل کریم اور ان کے والد نے علی امین اور ان کے بزرگوں کو انتخابی میدان میں بار ہا شکست سے دوچار کرایا ہے،والفقار افغانی نے اعلان کیا کہ عید بعد پیپلز پارٹی کے چیرمین بلاول بھٹو پشاور کا دورہ کرینگے ارو پیپلز پارٹی کے ہزارون کارکن وزیر اعلیٰ ہاوس کے سامنے سے اپنے لیڈر کو جلوس کی شکل میں گورنر ہاوس لے جائینگے، پی پی رہنما نے اس موقع پر علی امین کو عید تک کی مہلت دیتے ہوئے کہا کہ معافی نہ مانگنے پر پیپلز پارٹی کے کارکن نکا کا گھیرا ئو کرینگے۔پریس کانفرنس میں پی پی پشاور سٹی کے جنرل سیکرٹری زوالفقار اعوان، پارٹی رہنما عدنان جلیل، طاہر عباس سمیت کارکنون کی بڑی تعدادبھی موجود تھے۔