اسلام آباد (نیشنل ٹائمز)سابق سینیٹر مصطفی نواز کھوکھر نے کہا ہے کہ مجھے فارم 47 سے بنایا ہوا نظام چلتا ہوا نظر نہیں آتا، شاہد خاقان عباسی چاہتے ہیں جلد نئی سیاسی جماعت کا اعلان ہو جائے،میرا مشورہ ہے انہیں انتظار کرنا چاہیے،اس وقت عدم استحکام عروج پر ہے،طوفان گزرنے کے بعد پارٹی کا اعلان کرنا چاہیے۔ایک نجی ٹی وی سے گفتگو کرتے ہوئے مصطفی نواز کھوکھر نے کہا کہ اس وقت عدم استحکام عروج پر ہے،طوفان گزرنے کے بعد نئی پارٹی کا اعلان کرنا چاہیے۔ انہوں نے کہا کہ 8فروری کے انتخابات میں ہم سب غلط ثابت ہوئے،ہم سمجھتے تھے ایک سیاسی جماعت کا لیڈر جیل میں ہے ہمارا خیال تھا کہ پی ٹی آئی کو زیادہ سے زیادہ 15 سے 20سیٹیں ملیں گی،جنہوں نے بند کروں میں حساب کتاب کئے تھے وہ بھی غلط ثابت ہوئے،8فروری کے بعد ہمیں نئے حقائق کا سامنا ہے۔ انہوں نے کہا کہ مجھے فارم 47 سے بنایا ہوا نظام چلتا ہوا نظر نہیں آتا۔