اسلام آباد(نیشنل ٹائمز)وزیر قانون نے خورشید شاہ کو پیر قرار دے دیا۔جمعرات کی شام قومی اسمبلی کے اجلاس میں پیپلز پارٹی کے سینیئر رہنما خورشید شاہ نے حکومت کی توجہ قائمہ کمیٹیوں کی تشکیل کی طرف دلائی اور سپیکر سے کہا کہ اس معاملے میں زیادہ تاخیر نہ کی جائے کیونکہ یہ آئین کی خلاف ورزی ہے انہوں نے کہا کہ کمیٹیوں کے بغیر ایوان مکمل نہیں ہوتا لہذا جلد از جلد قائمہ کمیٹیوں کا معاملہ طے کیا جائے۔انہوں نے کہا کہ گندم سکینڈل کے ذمہ داروں کو بھی منظر عام پر لایا جائے کیونکہ یہ معمولی معاملہ نہیں ۔اس ایوان کو گندم سکینڈل کے اصل ذمہ داروں سے اگاہ کیا جائے۔اس پر وزیر قانون اعظم نذیر تارڑ نے کہا کہ خورشید شاہ صاحب ہمارے پیر ہیں جو کہیں گے وہ بات مانی جائے گی۔