اسلام آباد (نیشنل ٹائمز) چیئرمین (پی ٹی آئی )نظریاتی اختر اقبال ڈار نے عمران خان کے سوشل میڈیا پر تمام اکائونٹس بلاک کرنے کا مطالبہ کرتے ہوئے بانی پی ٹی آئی فیس بک، ٹوئٹراکائونٹس کے ذریعے شرپسندی کو فروغ دے رہے ہیں۔میڈیارپورٹ کے مطاب اس معاملے پر اختر اقبال ڈار نے ٹیلی کمیونیکیشن اتھارٹی کو خط لکھا ہے جس میں انھوں نے بانی پی ٹی آئی عمران خان کے سوشل میڈیا پر تمام اکائو نٹس بلاک کرنے کا مطالبہ کیا ہے۔ خط کے متن میں کہا گیا کہ بانی پی ٹی آئی فیس بک، ٹوئٹر اکائو نٹس کے ذریعے شرپسندی کو فروغ دے رہے ہیں، ملک کے نوجوانوں کو نفرت انگیز بیانیہ دینے والے پاکستان کے خیر خواہ نہیں۔خیال رہے کہ چند روز قبل بانی پی ٹی آئی کے ایکس اکائو نٹ سے ایک ویڈیو اپ لوڈ اور ٹوئٹ کی گئی تھی، اس ویڈیو کے ساتھ کیپشن میں لکھا گیا تھا کہ ہر پاکستانی کو حمود الرحمان کمیشن رپورٹ کا مطالعہ کرنا اور یہ جاننا چاہیے کہ اصل غدار تھا کون جنرل یحی خان یا شیخ مجیب الرحمان۔