لندن(نیشنل ٹائمز) وفاقی وزیرداخلہ محسن نقوی نے   دنیا بھر میں مقیم پاکستانیوں کو پاسپورٹ کے اجرا میں تاخیر  کا نوٹس لیتے ہوئے پوری دنیا میں مقیم اوورسیز پاکستانیوں کی سہولت کے لئے ارجنٹ پاسپورٹ 7 روز میں جاری کرنے کا حکم دیدیا  اور پاسپورٹ کی مقررہ مدت میں فراہمی یقینی بنانے کے لئے مانیٹرنگ سیل قائم کر دیا ،وفاقی وزیرداخلہکہا کہ پاسپورٹ میں تاخیر کسی صورت برداشت نہیں،مقرر کردہ مدت کے اندر پاسپورٹ جاری نہ ہوا تو متعلقہ افسران کے خلاف ایکشن لوں گا۔ تفصیلات کے مطابق وفاقی وزیرداخلہ محسن نقوی کا لندن میں پاسپورٹ اور نادرا سنٹرز کا دورہ کیا ، اس موقع پر برطانیہ میں پاکستانی ہائی کمشنر ڈاکٹر محمد فیصل بھی ہمراہ تھے ۔وفاقی وزیرداخلہ محسن نقوی  سنٹرز میں موجود اوورسیز پاکستانیوں سے بھی ملے اور مسائل پوچھے۔وفاقی وزیرداخلہ محسن نقوی  نے دنیا بھر میں مقیم پاکستانیوں کو پاسپورٹ کے اجرا میں تاخیر  کا نوٹس لیتے  ہوئے  پوری دنیا میں مقیم اوورسیز پاکستانیوں کی سہولت کے لئے ارجنٹ پاسپورٹ 7 روز میں جاری کرنے کا حکم دیا ۔ محسن نقوی نے کہا  نارمل پاسپورٹ دیار غیر میں رہنے والے پاکستانیوں کو 30 روز میں جاری ہو گا،اس پالیسی کا اطلاق دنیا بھر میں موجود تمام پاکستانی مشنز  پر ہوگا،اس وقت اوورسیز پاکستانیوں کو نارمل پاسپورٹ 4 ماہ جبکہ ارجنٹ پاسپورٹ ڈیڑھ ماہ میں مل رہا تھا۔ محسن نقوی نے کہا  پاسپورٹ میں تاخیر کسی صورت برداشت نہیں،مقرر کردہ مدت کے اندر پاسپورٹ جاری نہ ہوا تو متعلقہ افسران کے خلاف ایکشن لوں گا۔وفاقی وزیرداخلہ محسن نقوی نے پاسپورٹ کی مقررہ مدت میں فراہمی یقینی بنانے کے لئے مانیٹرنگ سیل قائم کر دیا،وفاقی وزیرداخلہ محسن نقوی کی پی ایس او اے ایس پی شہر بانو مانیٹرنگ سیل کو ہیڈ کریں گی ،اوورسیز پاکستانی  مقرر مدت میں پاسپورٹ نہ ملنے پر ای میل complaints.passport@interior.gov.pk پر رسید منسلک کرکے  شکایت درج کرا سکیں گے۔سنٹرز میں موجود اوورسیز پاکستانیوں نے نادرا کی کارکردگی کو سراہا اور کسی نے بھی نادرا کے حوالے سے شکایت نہیں کیوفاقی وزیرداخلہ محسن نقوی نے اچھی پرفارمنس پر نادرا سٹاف کو شاباش دی۔وفاقی وزیرداخلہ محسن نقوی کا پاسپورٹ اور نادرا کے عملے کی کمی کا بھی نوٹس لیتے ہوئے  عملے کی کمی پوری کرنے کیلئے موثر سٹاف مینجمنٹ  کا حکم دیا  ،وفاقی وزیرداخلہ محسن نقوی نے پاسپورٹ اور نادرا سنٹرز کے عملے سے ملاقات کی اور اوورسیز پاکستانیوں کو پاسپورٹ متعین مدت میں جاری کرنے کی ہدایت کی۔