آسام (نیشنل ٹائمز)بھارتی ریاست آسام میں بارشوں کے بعد آنے والے سیلاب نے 15افراد کی جان لے لی۔ بھارتی میڈیا کی رپورٹس کے مطابق سیلاب سے اب تک 10اضلاع میں 6لاکھ سے زائد افراد متاثر ہو چکے ہیں جب کہ 3مزید افراد کی ہلاکت کے بعد ہلاکتوں کی تعداد اب 15ہوگئی ہے۔آسام ڈیزاسٹر مینجمنٹ اتھارٹی کے مطابق 3بڑے دریاوں کوپیلی، بارک اور  خوشیارا خطرناک حد سے اوپر بہہ رہے ہیں۔ میڈیا رپورٹس کے مطابق اس وقت ریاست آسام کے مختلف اضلاع میں 40ہزار سے زائد افراد  187ریلیف کیمپوں میں مقیم ہیں۔دوسری جانب مختلف بھارتی ریاستوں میں شدید گرمی کی لہر بھی جاری ہے اور گرمی کے باعث اب تک 70سے زائد افراد ہیٹ اسٹروک سے ہلاک ہو چکے ہیں۔