نیو یارک (نیشنل ٹائمز) نیو یارک کے ایک معروف اسپتال نے غزہ میں جاری لڑائی کو فلسطینیوں کا قتلِ عام قرار دینے پر ایک مسلم نرس کو برطرف کردیا۔ اسپتال کی انتظامیہ کا کہنا ہے کہ حسین جبر کو انتباہ کیا جاچکا تھا کہ غزہ کے بارے میں اپنی رائے دینے سے گریز کرے۔حسین جبر نے وضع حمل اور زچگی کے دوران اپنے بچوں کو کھو دینے والی ماں سے متعلق خدمات پر ایوارڈ دیے جانے کی ایک تقریب میں غزہ کی جنگ کو قتل عام قرار دیا تھا۔نیو یارک یونیورسٹی لینگون ہیلتھ کے ترجمان نے بتایا کہ حسین جبر نے اسپتال کی طرف سے کیا جانے والا انتباہ نظر انداز کردیا تھا۔ حسین کو ایوارڈ 7مئی کو دیا گیا تھا۔ اس نے انسٹا گرام پوسٹ میں بتایا کہ بعد میں اسے برطرفی کا لیٹر بھی تھمادیا گیا۔حسین جبر نے اپنی تقریر کے دوران غزہ میں جنگ کے باعث اپنی اولاد سے محروم ہو جانے والی ماں کا دکھ بھی بیان کیا تھا۔