لندن (نیشنل ٹائمز) پاکستان کی قومی کرکٹ ٹیم کپتان بابر اعظم کی قیادت میں جمعہ کو لندن سے امریکہ روانہ ہو گئی جہاں وہ عالمی ٹی 20کرکٹ کپ میں شرکت کرے گی۔قومی ٹیم لندن کے ہیتھرو ائیرپورٹ سے پرواز کے زریعے ڈیلاس ائیرپورٹ پہنچے گی ۔پاکستان کرکٹ ٹیم کا ایک گروپ 19 ارکان پر مشتمل ہے جن میں کھلاڑی اور منیجمنٹ کے اراکین شامل ہیں جبکہ دوسرے گروپ میں 9 کھلاڑی اور منیجمنٹ کے ارکان شامل ہونگے۔ پاکستان ٹیم نے آئرلینڈ اور انگلینڈ کے خلاف ٹی ٹوئنٹی سیریز کھیلی۔پاکستان کرکٹ ٹیم آئی سی سی ٹی ٹوئنٹی ورلڈ کپ میں اپنا پہلا میچ 6 جون کو امریکہ کے خلاف ڈیلاس میں کھیلے گی۔پاکستان کی قومی کرکٹ ٹیم تاریخ میں پہلی بار امریکہ میں کرکٹ میچز کھیلے گی۔عالمی ٹی 20کرکٹ کپ دو جون سے 29جون تک امریکہ اور ویسٹ انڈیز میں کھیلا جائیگا۔