ریاض(نیشنل ٹائمز)حج سیزن کے دوران مکہ مکرمہ میں غیرقانونی داخلے پر 10ہزار ریال جرمانہ عائد کیا جائے گا۔سعودی وزارت داخلہ کی جانب سے جاری بیان میں حج سیزن میں مکہ مکرمہ میں غیر قانونی داخلے پر سزائوں کا اعلان کردیا گیا۔ مکہ مکرمہ میں غیر قانونی داخلے پر سزائوں کا نفاذ 2جون سے 20جون تک ہوگا۔ اس مدت کے دوران مکہ مکرمہ یا مقامات مقدسہ میں داخلہ غیرقانونی حج میں شمار ہو گا۔اعلامیے کے مطابق مکہ مکرمہ میں غیر قانونی طور پر داخل ہونے پر 10ہزار ریال جرمانہ ہوگا۔ قانون کی خلاف ورزی پر غیرملکیوں کو بے دخل کرکے بلیک لسٹ کیا جائیگا۔ بغیر اجازت نامے کے عازمین کو مکہ لیجانے پر 6 ماہ قید اور 50ہزار ریال جرمانہ ہوگا جبکہ ایسے عازمین کو مکہ لے جانے والے کی گاڑی بھی ضبط کر لی جائے گی۔