برسلز(نیشنل ٹائمز)یورپی یونین نے اسرائیل کو مخاطب کرتے ہوئے کہا ہے کہ فلسطینی ریاست کوتسلیم کرنے کا مطلب یہود دشمنی نہیں۔یورپی یونین کی خارجہ پالیسی کے سربراہ جوزف بوریل نے کہا کہ فلسطینی ریاست کو تسلیم کرنا حماس کے لیے تحفہ نہیں ہے بلکہ اس کے بالکل برعکس یہ امن کے لیے اہم پیش رفت ہے۔انہوں نے کہا کہ یورپی یونین پہلے ہی فلسطینی اتھارٹی کے ساتھ بات چیت، مالی امداد اور ملاقات کر چکی ہے۔جوزف بوریل نے زور دے کر کہا کہ جب بھی کوئی فلسطینی ریاست کی حمایت کا فیصلہ کرتا ہے تو اسرائیل کا ردعمل اس معاملے کو یہود دشمنی میں بدل دیتا ہے۔