کراچی (نیشنل ٹائمز) پاکستان اسٹاک ایکسچینج نے تاریخ میں پہلی بار 76 ہزار پوائنٹس کا سنگ میل عبور کرلیا۔آئی ایم ایف سے قرض پروگرام میں مثبت پیشرفت پرمارکیٹ پر مثبت اثرات مرتب ہوئے ہیں،جس کے بعد پاکستان اسٹاک ایکسچینج نے تاریخ میں پہلی بار 76 ہزار پوائنٹس کا سنگ میل عبور کرلیا ہے۔ ہنڈریڈ انڈیکس میں دوران ٹریڈنگ 888 پوائنٹس کا اضافہ ریکارڈ کیا گیا،جس کے بعد 100 انڈیکس 76006 پوائنٹس کی تاریخی سطح پر جا پہنچا ہے۔ماہرین کے مطابق یو اے ای کی پاکستان میں 10 ارب ڈالر کی سرمایہ کاری کی خبر بھی تیزی کی وجہ بنی ہے۔گزشتہ روز کاروبار کے اختتام پہ پاکستان اسٹاک مارکیٹ 75 ہزار 114 پوائنٹس پر بند ہوئی تھی۔