اسلام آباد(نیشنل ٹائمز)گورنر پنجاب سردار سلیم حیدر نے کہا ہے کہ پنجاب اسمبلی کے ہتک عزت بل پر نظر ثانی کی ضرورت ہے، ہتک عزت بل کی وجہ سے ملک میں طوفان برپا ہے۔ نجی ٹی وی سے گفتگو کرتے ہوئے گورنرپنجاب نے کہا کہ پنجاب اسمبلی کے ہتک عزت بل پر نظر ثانی کی ضرورت ہے ، یہ بل حرف آخر نہیں ہے۔انہوں نے کہا کہ پنجاب حکومت اسے دوبارہ دیکھ کر قابل اعتراض باتیں نکالے۔گورنر پنجاب نے کہاکہ ہتک عزت بل کی وجہ سے ملک میں طوفان برپا ہے جس کو ختم کرنے کیلئے اگر ان کی ضرورت پڑی تو وہ تمام سٹیک ہولڈرز کو بٹھا کر مسئلہ حل کرانے کی کوشش کریں گے۔انہوں نے مزید کہا کہ امید ہے بل پر اتفاق رائے ہو جائے گا اگر نہ ہوا تو اٹھارویں ترمیم کے تحت برداشت کرنا پڑے گا، زرعی پالیسی پر بھی دوبارہ نظر ثانی کی ضرورت ہے۔