اسلام آباد (نیشنل ٹائمز)پاکستان مسلم لیگ (ن) کے رہنما حنیف عباسی نے کہاہے کہ پاکستان سے نواز شریف کی کارکردگی نکال دیں ملک اندھیرے میں چلا جائے گا،نواز شریف نے کوئی ڈیل نہیں کی، سوال ہی پیدا نہیں ہوتا، ایک فیشن بنا دیا گیا ہے کہ اداروں پر الزامات لگا دیئے جاتے ہیں،دشمن ایسے باہر بیٹھے لوگوں پر لاکھوں ڈالرز خرچ کر رہے ہیں، اداروں کے معاملے میں جذباتی ہوں نہ عدلیہ پر تنقید کروں گا،دوہری شہریت سے متعلق قانون بنانا چاہیے،16ماہ میں شہباز شریف نے پاکستان کو ڈیفالٹ ہونے سے بچایا۔ ایک نجی ٹی وی سے گفتگو کرتے ہوئے حنیف عباسی نے کہا کہ 2017میں ایک چلتے ہوئے پاکستان کو روک دیا گیا تھا،نواز شریف کے خلاف کیوں مانیٹرنگ جج لگائے گئے،نواز شریف کے خلاف دبائو میں فیصلہ لکھا تھا تو انکار کرتے نہ لکھتے،ایک فیشن بنا دیا گیا ہے کہ اداروں پر الزامات لگا دیئے جاتے ہیں،آج کل ایک ٹرینڈ بنا ہوا ہے سوشل میڈیا پر اداروں کے خلاف تنقید کرتے ہیں،دشمن ایسے باہر بیٹھے لوگوں پر لاکھوں ڈالرز خرچ کر رہے ہیں، اداروں کے معاملے میں جذباتی ہوں نہ عدلیہ پر تنقید کروں گا،دوہری شہریت سے متعلق قانون بنانا چاہیے،2017 میں مینڈیٹ کے ساتھ نا انصافی ہوئی تھی،۔ انہوں نے کہا کہ بانی پی ٹی آئی چیف ایگزیکٹو تھے ان کی اجازت سے نواز شریف باہر گئے 16ماہ میں شہباز شریف نے پاکستان کو ڈیفالٹ ہونے سے بچایا،کیا نواز شریف کی میڈیکل رپورٹس جعلی تھیں،نواز شریف نے کوئی ڈیل نہیں کی، سوال ہی پیدا نہیں ہوتا، پاکستان سے نواز شریف کی کارکردگی نکال دیں ملک اندھیرے میں چلا جائے گا۔