اسلام آ باد (نیشنل ٹائمز) چیف میٹرولوجسٹ سردار سرفراز نے کہا ہے کہ کراچی میں ہیٹ ویو کا کوئی امکان نہیں۔ سردار سرفراز کا کہنا تھا کہ ہیٹ ویو معمول کے درجہ حرارت سے 4 یا 5 ڈگری اوپر جانے کو کہتے ہیں، مزید کہا کہ کم سے کم چار دن تک 41 ڈگری درجہ حرارت ہو تو اسے ہیٹ ویو کہتے ہیں۔ انہوں نے کہا کہ کراچی میں صورتحال ایسی نہیں، ہفتہ کو درجہ حرارت 40 ڈگری چلا گیا تھا۔ سردار سرفراز نے بتایا کہ کل پارہ 36 ڈگری رہا، پیر کو بھی 35 یا 36 ڈگری درجہ حرارت تک جانے کا امکان ہے۔ ان کا کہنا تھا کہ اگلے ہفتہ دس دن تک اسی طرح کا موسم رہے گا، اگلے ہفتہ، 10 دن تک درجہ حرارت 36 سے 38 ڈگری رہنے کا امکان ہے۔