روالپنڈی(نیشنل ٹائمز)ملزمالکان نے سرکاری گندم خریدنے سے انکار کرتے ہوئے مطالبہ کیا ہے کہ رمضان میں سستے آٹے کے 85کروڑ روپے حکومت کی طرف واجب الادا ہیں حکومت سوجی ، میدہ ، فائن ، چوکر کی برآمد کی اجازت دے ، تفصیلات کے مطابق ملزم مالکان نے سرکاری گندم خریدنے سے انکار کردیا ہے اور کہا ہے کہ اوپن مارکیٹ میں فی من گندم کی قیمت 3ہزار روپے ہے اورکوالٹی میںسرکاری گندم سے اچھی ہے ، انہوں نے کہا کہ رمضان میں آٹا مل مالکان نے اپنی گندم پیس کر حکومت کو سستا آٹا فراہمکیا جس کے 85کروڑ روپے حکومت کی طرف واجب الادا ہیں ۔ انہوں نے کہا کہیحکومت سوجی ، میدہ ، فائن اور چوکر کی برآمد کی اجازت دے توسرکاری گندم خرید کرسکتے ہیں ۔ ملز مالکان نے مطالبہ کیا کہ حکومت 8لاکھ ٹن تک گندم برآمد کرنے کی اجازت دے ۔ دوسری طرف ذرائع وزارت خوراک کے مطابق اس بار گندم کی بمپر فصل ہوئی ہے ، سرکاری گوداموں میں ایک لاکھ 30ہزار سے زائد گندم پڑی ہے ۔