اسلام آ باد (نیشنل ٹائمز ) مسلم لیگ ن میں بڑی تبدیلیاں،نواز ان، شہباز شریف آؤٹ ، تفصیلات کے مطابق مسلم ن کے قائد میاں نواز شریف نے پارٹی کو فعال بنانے کے لئے حکومتی اور جماعتی عہدوں کو الگ کرنے کا فیصلہ کرلیاہے اس سلسلے میں پہل انہوں نے خواجہ سعد رفیق جنرل سیکرٹری بنا کر کی تھی جبکہ وہ مسلم لیگ ن کی صدارت اپنے پاس خود رکھنا چاہتے تھے پیر کے روز وزیراعظم شہباز شریف جو ن لیگ کے صدر بھی تھے انہوں نے مسلم لیگ ن کے صدارت سے استعفیٰ دیدیا ، شہباز شریف نے اپنا استعفی پارٹی قائد میاں نواز شریف کو ارسال کر دیا۔ جس کے بعد پارٹی کی مرکزی مجلس عاملہ کا اجلاس 18 مئی کو طلب کرلیاگیا ہے۔ (ن)لیگ کے سیکرٹری جنرل احسن اقبال نے تمام اراکین مجلس عاملہ کو اجلاس کا نوٹس ارسال کردیا جس کے مطابق اجلاس 18 مئی ہفتے کو دن ساڑھے 11 بجے 180 ایچ بلاک ماڈل ٹاون لاہور میں ہوگا۔ پارٹی سمجھتی ہے کہ وزیراعظم شہباز شریف حکومتی مصروفیات کی وجہ سے پارٹی پر پوری طرح توجہ نہیں دے پارہے لہذا پارٹی کو ملک بھر میں فعال کرنے کی ضرورت ہے۔ پارٹی کی مرکزی مجلس عاملہ کے اجلاس میں سابق وزیراعظم نواز شریف کو پارٹی کا صدر منتخب کیا جائے گا۔