ممبئی (نیشنل ٹائمز) بھارتی فلمی رقاصہ و اداکارہ نورا فتیحی نے انکشاف کیا ہے کہ ہماری انڈسٹری میں کئی لوگ ایسے ہیں جن کے درمیان محبت نہیں لیکن وہ دولت کیلئے ایک دوسرے کیساتھ رہتے ہیں۔نورا فتیحی نے حال ہی میں ایک نجی پوڈ کاسٹ انٹرویو میں شرکت کی اور اپنی پروفیشنل و نجی زندگی کے حوالے سے کھل کر گفتگو کی۔دورانِ انٹرویو ایک سوال کے جواب میں نورا نے بتایا کہ میں ایسے کئی جوڑوں کو جانتی ہوں جو شادی شدہ تو ہیں لیکن ان کے درمیان پیار و محبت پایا نہیں جاتا، وہ بس ایک دوسرے کیساتھ اس لیے شادی کر کے رہتے ہیں تاکہ اپنے پارٹنر کی دولت سے فائدہ اٹھا سکیں اور دیگر لوگوں کیساتھ اثرو رسوخ بڑھا سکیں۔اپنی گفتگو جاری رکھتے ہوئے نورا نے یہ بھی انکشاف کیا کہ میں ایک ایسے اداکار کو بھی جانتی ہوں جس نے صرف اس لیے ہیروئن سے شادی کی کیونکہ وہ جانتا تھا کہ حال ہی میں اس ہیروئن کی بڑی فلم ریلیز ہونے والی ہے۔